أتكــــلم قول متخفش

اتكلم قول متخفش
==========
اتكلم قول متخفش
الكلمة ما تموتش
غير لو واقفت فى الزور
او ماتت جواك
عبر واعبر فوق احزانك
اوعى تموت واقف فى مكانك
الحريه ما تتسولش
****
قول آه وأهين وتلاته
اتحرر من خوفك بيها
الحرية تا تا ،تا تا
بشوياش على مهلك خطيها
اتكعبل مرةاتشقلب مرة
لكن بالمرة ماتسكتش

****
قول آه م الظالم ...تنزل زى السوط مكتوم
ده الظالم موته وسمه ...يسمع صوت مظلوم
اصرخ فى عنيه هتشوف
ازاى بيموت جواه م الخوف
وكل ما يعلى الصوت
هتشوف ازاى بيكش
****
خايف م الموت
هتموت هتموت
لكن فى ميعادك بالمظبوط
وبيدك وحدك تختار
موتة من الاتنين
يتموت مرفوع الراس
يتموت مكسور العين
منطوف الرمش

======

حسين الشاعر