مش وقت هــزار

مش وقت هزار
========
ياغايب عنى وهجرنى ..مش وقت هزار
ليه منك عايز تحرمنى..دا الشتا جبار
مكنتش كلمة ياظلمنى ..تعملها حكاية
====================
عايز تتخاصم وتسيبنى ..خليها للصيف
دا البرد فى بعادك عنى ..احد من السيف
بلاش ياحبيبى تغلبنى..وتعالى كفاية
====================
ليه دايما كيفك تعاندنى ..يابو خد ربيع
وفى عز الشدة تعذبنى ..وعايزنى اضيع
دا البرد ياحبيبى جمدنى..وهتبقى جناية
======================

حسين الشاعر

اقرا المزيد

كلــــهن...زى هن..!! ـ

كلــــهن...زى هن..!! ـ
كلهن..زى هن ..وآهين من كيدهن
احنا نار وهن جنة..وزعفران وتمر حنه
تبقى دايب ليل نهار...وفى ايد هن ولاالسوار
ولحظة هوى ساعة هزار..يقلبوا ليلتك مرار
 شوفت جوز خلتك عالية..فى عيد جوزها هداها ايه
 ليكى قلبى ونور عنية..هو ده اللى فلحلى فيه
 حظى انا منحوس  معاك..دايماً كده بخت الشاطارة
رفضت عرسان زى الملاك...كانوا يتمنى الاشارة
فى النكد واخدين شهادة ولا ارفعها وسام
وفى اللسان هن الريادة ودكتواره فى الكلام
كأنهن واخدين دروس
يبدلوا حلمك كابوس
ويخلوك تنام عابوس
ويسمعوك لما تصحى
ادوا البخت لمكتكتين الروس
وام شعر سايح بختها منحوس
===========
حسين الشاعر

اقرا المزيد

طال الغياب والسهر

طال الغياب والسهر
===\\\===

طال الغياب والسهر ___والقلب دايب دوب
وحبيبى نام ع الخبر_____لاحس ولا مكتوب
قاسى قساوة الشوك___شاهد عليه ربنا
يدوق مرار الشوق____ويبتليه زينا
كتير حاولت انساه__وارجع كانه ماكان
لقتنى وانا بنساه __شايفه فى كل مكان
صبرت ياما عليه__وقلت اكيد ده ظروف
اترينى هنت عليه__وهو اللى كان ملهوف
فايتنى اشيل الهم ___واخاف عليه م النسمة
بعيد معندوش دم __لكن اعمل ايه فى القسمة
لاكلمة ولا مرسال منه تطمنى
صحيح صدق اللى قال
الحب جننى
===\\\===
حسين الشاعر

اقرا المزيد

يابو دم شربات يامقطقط

يابو دم شربات يامقطقط
====\\\\\\\\====

حوش عنى عيونك مش قدك
ولا قــــد النغزة اللى فى خدك
دا كفاية يدوب ضحكة سنك
خلتنى دايب ولهـــــان
     \\\\\\
يابو دم شربات يامقطقط
انا قلبى من الفرحة اتنطط
بيشوفك يرقص ويزقطط
ولغيرك يعمل عيــــان
     \\\\\\
بتعدى مبقاش على حالى
معرفش عمى من خالى
ماتقولى ايه اللى جراى لى
دى النظرة جت فى المليـــان

--------------------

حسين الشاعر

اقرا المزيد

ياسبنى فى هواك اتشعبط

ياسبنى فى هواك اتشعبط
================
ياسبنى فى هواك اتشعبط
ما تحن وبلاش تستعبط
متكنش بتلعب على قلبى
تشغلنى وعايزنى اتشعوط

توعدنى استناك على نار
تنسانى وتبعت اعذار
من طيبتى اصدق واسامح
متكونش واخد حبى هزار

اتنيل يابعيد واتلحلح
وياريت ترسلك على مطرح
نتقابل على كوبرى الجامعة
ولا انت مناويش تتفسح

صدعت دماغى رانات
وكلام فى الحب واهات
لو حبك بس موبيلات
انسانى وبلاش حركات

*************
حسين الشاعر

اقرا المزيد

حرام ياقلبى

حرام ياقلبى عليك حرام
...........................
اهده يا قلبى اهده
وبين ضلوعى بطل مناهده
خلا ص امنت انك هويتها
مكنتش نظرة ايه ده ايه ده
حرام ياقلبى عليك حرام
=.=.=.=.=
كفاية دق كسرت صدرى
هو انت فاكرو ياقلبى بابها
فى كل حته وراها تجرى
وكمان عايزنى اسال صحابها
ياقلبى لا..ده مش كلام
=.=.=.=
طول النهار شاغلنى بيها .
ملكش سيرة غير عنيها
ولما يجى الليل وانام
تقولى اصحى قوم قوام
ده جت اهه باين عليها
حرام ياقلبى عليك حرام
=.=.=.=.=
حرام ياقلبى ابوس ايديك
نفسى انام لو بس ساعة
من كتر زنك مابين ضلوعى
بقى صدرى منك زى الاذاعة
هو انت ايه محروم غرام
حرام ياقلبى عليك حرام
=.=.=.=.

..............
حسين الشاعر

اقرا المزيد

ملحمة صيفية.. كتبت لتعاش لالتقراء فقط

بسم الله الرحمن الرحيم
.كنا قد اعتادنا انا واصداقائى ان نصيف فى مصيف راس البروكان هناك شارع ممتد على النيل ملىء بالمقاهى ومحلات الحلوة والفطائر حيثوا يحلوا لنا السهر هناك حتى الصباح .ومن مميزات هذا الشارع هو وجود المجموعات من الشباب والفتيات فى دوائر حيثوا يقوموا بالرقص والطبل والتهريج الخفيف المهذب على طول الطريق لجذب انظار المصيفين والمصيفات اليهم وكلما برعت مجموعة فيما قدمت كان الحشد حولها اكثر من غيرها فتملكت اصدقائى الغيرة واتفقنا معا على ان نقدم فى العام القادم شى مثل هذاعلى ان نكون اكثر جذب للانظار من غيرناوبما كانوا يعرفوه عنى اصداقائى من كتابة الشعر والاغانى طلبوا منى ان اكتب اشياء خاصة لهذا الموضوعواعترف انه كان من بين اصد قائى من يمتلك صوت جميل ولكن المشكلة كانت فى الالحان .فقلت لااصدقائى لاعليكم عندى الحل وهو ان ابحث عن اغانى ملحنة من قبل واضع عليها كلماتى وكان واعترف اننا اكتسحنا المصيف كله هذا العام ولافخرالشواطىءوالنيل حتى الباصات .ولااطيل عليكم انتبهوا جيدا وعيشوا معنا ماعشناه فى هذا العام .اولا:اعتقد ان المصرين والاعضاء الاخرين الذين زاروا مصر ويعرفوها جيدايعلموا اين تقع منطقة القلعة فى القاهرة (قلعة صلاح الدين .اترككم مع ملحمة المصيف

سواق الاتوبيس

ياسواق الاتوبيس ..ع المصيف ودينا
اصل الحر ده يا مغيث ..كرهنا فى اهلينا
ع السكة فرجينا شوى
....من غير ما تقف بينا
وان كان بدك تشرب شاى...ده شىء مش بايدينا
شو بدك سوى فى الامر ..واياك ترجع بينا .
ده هى مرة فى العمرع المصيف ودينا
***
اوعى تكون زلمة مكار ..ع الشرطه تودينا .
لحسن يبقى نهارنا نهار .وتشمت اهلينا .
ياسواق الاتوبيس اخطفنا وعشينا .
بس الاول اوعاك تنسى ع المصيف وداينا

****
مصيف راس البر
راس البر ياراس البر......احنا شباب القلعة الحر
جيين ليكى .نعيش ليليكى....ونعود الشقا والمر
ياراس البر

هنكت ونقول قفشات...ونرقص رمل البلاجات
ونغنى لبسين ميوهات...ونقلد حتى الستات
هيه ..هيه..هيه
.ده صيف جميل وبلاج معقول..ملناش غينا ابدا عنه .
لكن فطرنا دايما فول..شيلين ياناس الزيت منه
****
يا مصيفين
يا مصيفين هاه......يامصيفين هاه
***
يامصيفين يا عرينين .مين زى مين يامصيفين .
مين مين مين .لابس مايوه ملوش مثال فى قصته .
تقرف صحيح منه العيال لو لبسته .
من غير كسوف قماشه صوف.لكنى دايما بخاف عليه
علشان ياناس بتباه بيه
****
نادوا اللى ماشى

نادوا اللى ماشى ع البلاج ....نادوا اللى ماشى .
يرقص ويضحك ويانا ..كله بلاشى .
نادوا اللى ماشى .
يااحلى ناس من هناك شايفها جيه .
زى النجوم ف السما حلوه ملاليه .
ادى نجمة واقفة عايزه ترقص ومستحيه .
والكل عايز زايها حتى اللى ماشى .
نادوا اللى ماشى
.....
بقلب صافى زى الندى علشنكوا نسهر.
نقعد نغنى لحد مالفجر يظهر .
ده العمر لحظة وليه نفكرفى بكره ليه .
وبكره لسه ياناس مجاشى
نادوا اللى ماشى
****


على راس البر السنة ديه ...نرقص ونغنى فى الميه .
شلة اصحاب دايما احباب...ومعانه كمان الشمسية .
ننده كلنا ندهة عطشان هيموت على حبة مى .
حاكم بطننا فضحانا كلنا وياريت تعزمنا ياخى .
ننده كلنا ندهه قويه؟؟؟
__
عايزين ناكل .عايزين ناكل .
كلنا ننده ندهة قوية؟؟؟
__
عايزين ناكل عايزين ناكل .
ناكل ونغنى كده على كل الموجود ويانا؟؟
عايزين ناكل .عايزين ناكل .
غنوة من فرط آلاه من فرط الجوع اللى هرانا؟؟
عايزين ناكل .عايزين ناكل .
ياللى الكرم من طبعكم واتعلموه الناس هنا
خلوا الفطار من عندكم والسحور من عندنا
اهو كده ناكل اكلة هنيه .
نونه نونه بشويش بشويش .قول للمزغوف يرحمنا شويه .
ده خلاص مفضلش غير العيش .
ياسارق .ياسارق منى عشايه .امشى معايا لااضرب فيك والكل معايا
_._._._
ودلوقتى بعد الاكل وشرب الشاىاسمعو ويانا اللى جاى
*****
ياللى اترحمتوا من التعليم .الفرصة لسة قدمكوا.
من غير ما تدفعوا ولا مليم .شلتنا نويا تعلمكوا .
بس المطلوب منكم....تسمعوا كده كلكم .
فى هدوء سوى وبدون كلام .
الدرس الاول
اول درس ياحبابنا...عن كليتنا واصحبنا .
وازى كلنا بقينا صيعين...بنقول لله ونبيع جرانين .
كليتنا .كليتنا....لعنها الله .الله .الله .
ارفة حياتنا ارفة عيشتنا...لعنها الله.الله.الله .
كليتنا سقالة. وصفيحة زبالة..
هى مشميمانا ريحة .تعمى الابصار.
يارب تسويها ع الارض وخاليها ..
لجل ما نبنى بدلهاصالة .صالة.صالة للهزار.
كليتنا كليتنا..
كليتنا عجيبة مليانة حبيبه ..صبينها بالبيبة.وبنتها الله .
يارب تفرقهم فى بحورك غرقهم ..والاخر تحرقهم .لجل مانلقى .حد.حد نمشى معاه .
كليتنا .كليتنا..
مصيرنا ياناس فى ايدنا وخلاص محنش نفعين .
وسعيد ياللى تصاحبنا بتصاحب العطلين .والتوبة التوبة التوبة...نسكت للمدرسين .
وحياة اللى جرى لنا ..وحياة سهر السنين .
توبه معاد فيها مذكرة خلاص .ولاعاد للغنى والرقص مناص .
ياللى ياابلتنا ارقصى بحماس .هزيها والقلب دعيلك
*****
الدرس التانى
الدرس التانى هيطلع ايه ...استنوا شويه علينا وعليه .
اصله مواد اجتماعية ..وتاريخ وحجات مش طبيعية .
كان وان...ان وكان .تعبنا سنين كانه مكانا .
وبقى الحاضر يشمت فينا.والمستقبل بينه نسانا.
وكل جهودنا فى خبر كانا .كانه ماكانا.
بابا كان فى حاله ..بيشقى عشان منعيش .
مسكين م اللى جراله..بقى نظره شيش بيش .
وامى تملى تعنده ...علشانه وتكيده .
وطول الليل بتخنقه...علشان صحة مفيش .
صحة مفيش ومعاها خناقة بدون اسباب .
وان قلنا ما كفاية.يقولوا ردوا الباب .
وانا واخواتى بقينا حزانا. ومفيش حد بيسال فينا

******
حسين الشاعر

اقرا المزيد