انا فى غرامك قتيل

انا فى غرامك قتيل
......................
تفتكر ان اللى بنا
ينتهى فى لحظة زعل
وبساطة ينتحر عشق السنين
مستحيل
ولاحتى زلزال الف ريختر
يقدر ياروحى
يزعزك من حضن قلبى
مهما عمل
والعمل!!
انا فى غرامك قتيل

...........
انت فاكر اللى بناعشق وغرام .........بس كده
وكلمتين زى العسل يظهروا....... ساعة رضا
لا ياروح قلبى انا
وابتسامة دنيتى
اللى بنا شىء كبير
وعندى له مليون دليل
اللى بنا ..امل..تتمناه العاشقين
مش مصدق اسال عنيك
اول لقا ايه قالت لى
وانت تعرف ان اسمك
احلى كلمة فى اللغات اتقالت لى
واسال ايديك ليه بكت بين ايديه
وعرقتنى
وحيرتنى
ودوبتنى
وغرقتنى فى بحور هواك
وانت كده من كلمتين
عايز تفوتنى
طب مين يغتنى
وانا فى غرامك قتيل
........
اللى بنا
مش بحبك والسلام
اللى بنا يانبض قلبى
انسجام
اللى بنا يانور حياتى
هو الواحد صحيح
التمام
يعنى اللى بنا
فى علم الحساب
مش هيقبل لنقسام
مهما تبعد بشوف خيالك
فى ضلى
واما تعند بقول يادنيا
ايه فاضلى
خلاص ضحكت
طب ليه تملى من كلمتين
لحظة زعل..تعمل تقيل
وحياتى قولى
ايه ياروحى حننك
على قلبى تانى
وخلاك تميل
ياحبيبى
انا فى غرامك قتيل

ــــ \\\\\\\\\\\\ـــــ 

حســـين الشاعر