11:48 ص
Unknown
===========
فك عقدة لسانك يابهية
واتكلمى
قولى مين قتل ياسين
قولى مين قصقص دراعك
ورماكِ بين ايدين الدجالين
يزوئوكِ
ويعطروكِ
ويقلعوكِ
ويلبسوكِ
ويقدموكِ
للنخاسين
ايه جراى لك ساكته ليه
ولا حد امتى
لما نمشى عريانين
بقيتى مكسورة الجناح
كل شىء فيكى مستباح
حتى خلخالك اليمين
اتحررى من كسوفك
اغتالى خوفك
اللى حبسك من سنين
دانتِ صوتك كان يلاللى فى العلالى
يصحى كل النعسانين
.......................
تسألينى ليه اقولك؟؟؟
..................
الجزار
الجزار معاه سِكينة بيقطع فينا ويبيع لينا لحمنا
بعد مايشرب دمنا ......زى مايكون فى بنا طار
.....
الفكهانى
والفكهانى يرس الفاكهةاشكال والوان شمال ويمين بطيخ تفاح شمام رمان
وبدون ميزان
يسرقك فى عز النهار
........
المقاول
والمقاول كان حانوتى جات له شغله على الطبطاب
الصبح يبنى فى عماير ومش مهم لوصارت خراب
مهو فى الاتنين كسبان كسبان
ارمى يابنى الاساس انا مغسل ومش ضامن اعمار الناس
ياسلام على اللى كان واللى صار
........
الدكتور
والدكتور مش هقول عنه حاجة غير انه اصبح خريج تجارة
كل حاجة بسعر عنده حتى سعر الاستشارة
لو طلبتوا فى البيت يجيلك بس لازم ترهن هدومل علشان تقدر تدفع فيزته
لحسن يخلى الجيران تلومك
وفى العيادة تلقى يفطة زى اسعار الخضار
.....
الاتوبيس
والاتوبيس عايز له قصة مش قصيدة ايدين فى جيوب البشر
وايدين مسكة الحديدة...وعالم ياما على السلالم مستنين تفيدة
ناس هنا وناس هناك وناس بتنعل وناس تسب
والكلام على الشفايف يخلى قلب الطفل يطب
لما تسمع فلانة واقفة تستغيث بالبوليس وفلان ده واقف من الكسوف زى حيوان خسيس
ناس تسبه وناس فى صفه وناس بتنعل الظروف
صدقونى لما اقول ده
انهيار..انهيار..انهيار
===========
حسين الشاعر
0 التعليقات:
إرسال تعليق