من حقك ياقلبى
---------------
من حقك ياقلبى تدوب فى الحلاوة.
وتسهر ليلاتى هيمان لشوشتك
وان طال غايبه تعيش فى الطراواه.
تسال فى حارته عليه حتى نفسك
وتبعت عيونك وراه زى ضله
تخمس فى كل اللى شافه وما صلى
اصل الجمال والحسن قال له
خد مايكفيك ام خد ماخلى
من حقك ياقلبى
===============
من حقك ياقلبى تكسر ضلوعى
وان طال غيابه تمطر دموعى
وتفرج على نجوم الليالى
وتسمع اغانى لثومة وحليم
وتدعى الاله الواحد الكريم
يعطف عليك ويطل طلى
من حقك ياقلبى
===========
من حقك ياقلبى وحقك عليــــــا
عشق الحليوة شقلب كيانى
اغفر وسامح نظرة عنيــــا
مش شايفة غيرها حد تانى
ده عيونها ساحرة ومعجبانى
قلقت منامى وزادت غرامى
وبقيت اشوفها فى كل الوشوش
وان فات ابويا وكانت امامى
اعمل كأنى معرفوش
اتارى الغرام حيرة ومذلى
من حقك ياقلبى
==============
حسين الشاعر
9:34 م
Unknown
