ايه هو الحب

ايه هو الحب

=======
احتار فؤادى مابين قلبين...والفكر تايه بين لتنين
لاقدرة ارسى على شاطىء ...ولا عارفة نصيبى فين
اول قلب حبيته** ورانى العذاب الوان
وتانى قلب ياريته**مااقبلنى مع الاحزان
ورحت اسال نفسى سؤال...ايه هو الحب ومعنى الحب
رجعت ومافيش ع البال...غير دايما طريقه صعب
_._._._._

اول قلب كان قدرى...رسمت معاه طريق عمرى
وقلت الحب ده نعمة...اتخلقت علشان قلبى
كان من سعادتى وفرحتى بيه...افكر فيه وانا وياه
اتخيل نفسى بطير حواليه...والدنيا مش سيعانى معاه
لكن صحيت من حلم جميل...لقتنى واقفة لوحدى استنى
ودموع العين ع الخد تسيل...ا تريه يا قلبى علينا اتجنى
ورحت اسال نفسى سؤال...ايه هو الحب ومعنى الحب
رجعت ومفيش ع البال ...غير دايما طريقه صعب
طريقه صعب

_._._._._

وتانى قلب بالشوق نادانى...وقال ياريتك تحسى بية
كان زى ضلى فى كل خطوة ...القيه تملى شاغل عنية
معرفش ليه ارتح له...وبوحت له...بكل شىء شفته فى حياتى
قلت يمكن لما يعرف ...عن قلبى يبعد...ويسبنى عايشة لزكرياتى
وبدال ما يبعد وصاله زاد...وزود حيرة قلبى معاه
وفضلت عايشة مابين خياله...وصورة الماضى اللى انا بهواه
ورحت اسال نفسى سؤال ...ايه هو الحب ومعنى الحب
رجعت ومافيش ع البال ...غير دائما طريقه صعب

_._._._._
شعر
حسين الشاعر
الحقوق محفوظة