جالس كبار العقول(مربعات فن الواو 2)

جالس كبار العقول
وابعـد عــــن الزينة
كل المفاخر بتزول
الا العقـول الرزينة

  =====

لو ضحك ليك الزمـــان
حـاذر الاعيبه الســـود
 السبع ولو بان عيان
ترقص على ضهره القرود

=====

حاذر  عديمة الربايا
وان حامت وراك الف ليلة
ما ربط شمشون فى الرحايا
الا خضوعه لدليلة 

=====

ياقلب بطل نواح
وانسى اللى باعك بلاش
الندل جه و لا  راح
خسيس ولا يسواش

=====

فى دولة غرامك عبيد
المسلمين سوى والنصارى
من  طابا لاخر الصعيد
فى حبك يامصر سهارى

======

لو هبت رياح السموم
ميل لها ولا تخاطر
لكل ظالم يوم
وعلى الله جبر الخواطر 

======

الليل فى عيونك سهرنى
على ضوء نار الخدين
من شوقى اليكِ اللى صهرنى
انا دايب بين الرمشين
============
حسين الشاعر