مصر المحروسة

مصر ام الاوطان
===\\\===
صوت الغالية المحروسة ...محبوب فى كل مكان
ان كانت اجراس فى كنيسة..او مسجد مرفوع له اذان ..
او حتى زفة لعروسة..او ثورة قامت فى ميدان
اصل فى الاصل معروف..مصر ام الاوطان

=======
فى كل بيت تلقى ...كل الجيران عيلة متحدين
نفيسة تنادى عاديلة واكلة تجمع النساوين
تنزل كريمة واصيلة..بسمله تغزى العين
قلوب صافية نضيفة..فى الفرح والاحزان
=======
تلقى افندى لابس بدلة..وابن بلد لابس جلباب
ومفيش حد عامل عملة ..الا وتجرى وراه لاحباب
تفك عنه ده الازمة ..وتسال عليه لو يوم غاب
اصل المحبة بالجملة بنوزعها بكل امــان
=========
وفيه كمان يجيى مين روميو..تحت الشباك بيلاغى جوليت
وبعد شهر تروح امه..تطلبهاله من قلب البيت
جيران وقاريب يتلموا ومن الشباك تسمع زغريت
اصل الادب معروف عنه ..ابن النيل عمره ماخان
===========\\\\\\\\\\\\\\=============
حسين الشاعر

اقرا المزيد

احلى صباح

اصبح عليها يحلالى الكسل
ابص فى عنيها انسى العمل
اطنش ماقموشى تجيب لى الفطار
اصحصح مانمشى تموت فى الهزار
وبعد ابتسامة وبيتين من نزار
نحلى بغرامنا وناخد قرار
نعيد من جديد شهر العسل
---------------
حسين الشاعر

اقرا المزيد