بعرف اقول زيك تمام

بعرف اقول زيك تمام
واعرف اغنى
واعرف ادندن
واعرف اطير زى الحمام
وارسم كمان فى الهوى
احلام كبيرة فى الغرام
لكن مصيبتى فى حبك انت
ياروحى انت ..وقلبى انت
قصاد عينيك
بتخرس ويتوه منى الكلام
معرفش اقول
ولا اى حرف فى كل دول
============
نفسى اقولك كلام كتير
غير كلام كل البشر
نفسى اخدك يوم واطير
ونروح بعيد عند القمر
نبنى لنا بيت على كورنيش السما
بلكونته طلة على الهوى
ستايرها عاشقة ومغرما
لكن مصيبتى فى حبك انت
ياروحى انت ..وقلبى انت
قصاد عنيك
بتخرس ويتوه منى الكلام
معرفش اقول
ولا اى حرف فى كل دول
=============
معرفش غير اغرق فى حبك
واشوفك كده فرحان بموتي
واسمعك بتقول بحبك
وعنيك تلومنى على سكوتى
طب ليه تلومنى
وقلبى سارح فى ليل عيونك
ومن لهيبه وكتر شوقه
ناره اديت فوق خدودك
وده ياروحى سبب سكوتى
علشان مصيبتى
فى حبك انت
ياروحى انت ..وقلبى انت
قصاد عنيك
بتخرس ويتوه منى الكلام
معرفش اقول
ولا اى حرف فى كل دول
============
مع تحياتى
حسين الشاعر

اقرا المزيد

موالى موال..فاتت سنين

موالى موال....ياليلى اه ..ياليل
===============

فاتت سنين والقلب فى هواه ثابت
لامال لغيره يوم ولايوم مفصله ثابت
الليل من طول جفاه عتمته شابت
وكيف ؟اهل الهوى والعشق قبلنا قالوا
محبة من غير وداد..لاودت ولاجابت
====================

حسين الشاعر

اقرا المزيد