راجع ليه..عايز ليه

راجع ليه **عايز ايه
راجع تسال ليه عن حالى *****وتفكرنى باللى جرى لى
فاكر يعنى سؤالك عنى .....هيرجعنى ويطمنى
لا ياحبييبى اسمع منى....عمر دموعى ما هتحلى لك
حاول تنسى وريح بالك
****
حاول تنسى انى فى يوم....كنت بجبك حب كبير
حب ظلمنى وخلى النوم.....يعصى عينية ليالى كتير
وانت ولاانت كان على بالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك
****
ده اللى جرى لى فى حبك ياما ....ياما دريته عن عين الناس
هجر وحيرة وشوق وملامة ....وصبر شربته كاس وراى كاس
وانت ولاانت كان على بالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك
****
صعب على انسى هوانى....مهما حاولت تقول اعذار
كل ماانسى ارجع تانى .... اشوف الجنة فى قربك نار
وانتى عايزنى اكون فى خيالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك
****
مع تحياتى
حسين الشاعر

اقرا المزيد

آه...وآه...وآه

الاولة آه

والتانيه آه

والتالته آه

======

الاولة آه == الحزب اغتصب  المحروسة

والتانية آه == الشعب أكل البسبوسة

والتالته آه == العمدة تحت الشموسة

================
الاولة آه == الحزب اغتصب  المحروسة..على عين الكل

والتانية آه == الشعب أكل البسبوسة..محشية بذل

والتالته آه == العمدة تحت الشموسة..يربط ويحل

=====================

الاولة آه == الحزب اغتصب  المحروسة..على عين الكل..بالزور والعافية
..
والتانية آه == الشعب أكل البسبوسة..محشية بذل..وحشيش بلا افية

والتالته آه == العمدة تحت الشموسة..يربط ويحل..دستور وما خافية
================================

الاولة آه == الحزب اغتصب  المحروسة..على عين الكل..بالزور والعافية..فى البرلمان

والتانية آه == الشعب أكل البسبوسة..محشية بذل..وحشيش بلا افية..اخر روقان

والتالته آه == العمدة تحت الشموسة..يربط ويحل .. دستور وما خافية..واشهد يا زمان

===========================================

الاولة آه ..يعنى مفيش فايدة الكل سمع هس

والتانية أه..بلا كتر مزيدة..اطفح ولا حس

والتالته آه..خليكوا فى عايدة..اوبرا اخر انس

======

شعر ..حسين الشاعر

اقرا المزيد